काठमाडौं, २७ कार्तिक :
रिलायन्स लाइफ इन्स्योरेन्स कम्पनीले चालु आर्थिक वर्ष २०७५।७६ को पहिलो त्रैमास सम्ममा २५ करोड ४१ लाख रुपैयाँ बीमाशुल्क आर्जन गर्न सफल भएको छ । गत बर्षको सोहि अवधिमा कम्पनीले ९ करोड ८६ लाख बीमाशुल्क आर्जन गर्न सफल भएको थियो । कम्पनीले बीमाशुल्कमा उल्लेख्नीय सुधार गरेको प्रथम त्रैमासको वित्तिय विवरणले देखाएको छ ।
कम्पनीले प्रकाशन गरेको वित्तिय विवरण अनुसार उक्त अवधिमा २ हजार ९ सय ५५ बीमालेख जारी भएका छन् । त्यस्तै,कम्पनीले ५ बीमालेख बराबर ३४ लाख ७३ हजार रुपैयाँ दाबी भुक्तानी गरेको छ । कम्पनीले दुई वटा दाबीको भुक्तानी गरेको छैन ।
प्रथम त्रैमासको अवधिसम्ममा कम्पनीको जगेडा कोष ११ करोड १० लाख रुपैयाँ रहेको छ ,भने चुक्ता पूँजी १ अर्ब ४७ करोड रुपैयाँ रहेको छ । त्यस्तै कम्पनीले जीवन बीमा कोषमा सुधार आएको छ । असोजमसान्तसम्ममा कम्पनीको जीवन बीमा कोष ५६ करोड ५२ लाख रुपैयाँ रहेको छ ।
कम्पनीको खुद नाफामा ४ प्रतिशतले वृद्धि आएको छ । गत बर्ष कम्पनीले १ करोड ७७ लाख रुपैयाँ खुद नाफा आर्जन गरेको थियो । असोजमसान्तसम्ममा कम्पनीले १ करोड ८५ लाख रुपैयाँ खुद नाफा आर्जन गर्न सफल भएको छ । यद्यपि खुद नाफा भने लेखा परिक्षणको क्रमका बीमाङ्कीय मूल्याङ्कनको क्रममा फेरबदल हुनसक्नेछ । :-इन्स्योरेन्स खबर
